Саяхан Харолд Кэмпин гэгч 89 настай эр 2011 оны 5-р сарын 21-нд дэлхий сөнөнө шүү гээд сүрдүүлээд авав. Алдаж тоолж л дээ хөөрхий. Дараа амаа бариад дахиад хаширсангүй бас л нэг огноо хэлэв. Христийн эш үзүүллэгээр бол дэлхий эхэлсэн шигээ сүйрэх өдөртэй гэж байгаа. Харин хэзээ вэ гэдэг тал дээр тодорхой огноо Библид бичээгүй байдаг. Гэх мэтээр Библийн эш үзүүллэгийг барин тавин Библийн үгээр дүрсгүйтэн наадагч зөвхөн Харолд Кэмпин биш ээ. 

Христэд итгэнэ гэдэг нь сохроор, үзэмжээр, хүн дагаж, хөөрсөн сэтгэлээр, зорилгогүй явж байгаад орчихдог зүйл биш ээ. Христийг Бурхан мөн хэмээн зүрхэндээ итгэж, амаараа тунхаглаж амьдралаа зориулан яваа хүний тоог дурьдвал дэлхийн 3 хүний нэг нь Христийнх болж байгаа тоо гардаг. Христэд итгэгч залуу хүн бүр надаас "Христэд хэрхэн итгэж амьдрах вэ?" гэж асуудаг. Тэр бүхэнд зөвлөдөг ч тэдгээр зөвлөгөө бүрээ нийтлэл болгон танд хүргэж байна. 

Сүүлийн 20 жил Монгол улсад "Шингэн зэвсгийн үйлдвэрлэл" газар авч бүх насныхан энэ зэвсгээр алтан амиа алдаад байна. "Шингэн зэвсэг"-т ах дүү, эгч дүү, аав, ээж, эмээ өвөөгөө алдаагүй нэг ч гэр бүл Монголд байхгүй. Яг л дэлхийн хоёрдугаар дайнд Оросын бүх айл ямар нэг хүн дотны хүнээ дайнд алдаж байсан юм гэдэг шиг л манайд энэ эмгэнэл давтагдаж байна. Шингэн зэвсгийг дэлгүүрүүд баяртайгаар зарж байна. Энэ зэвсгийн наймаа, худалдаагаар баяжин өндөр харшид суух баячуудыг оны шилдэг, тэргүүн манлай үйлдвэрлэгч, шилдэг татвар төлөгч гэх мэтээр өөгшүүлж байна.