ТВ8-р гарсан мэдээгээр 70,000 төгрөгөөр нэгддэг нэгэн ХХК баахан хүнийг луйвардаж байгаа юм байх. Тэгвэл энэ сүлжээ Говь-Алтайгаас Төв аймаг хүртэл тархсан бөгөөд миний мэдэхийн хэд хэдэн хүн энэ талаар асууж байсан билээ. Мэдээж миний хариулт "энэ бол луйвар". Харин хүмүүс луйвардуулсаар л байна.

Мөн энэ төрлийн луйврын пирамид сүлжээний бизнесийн талаар Дарханд байгаа талаар хэвлэлийн бага хурал хийлгэсэн байна. Монголчууд ядуу, дээр нь гэнэн болохоор мөнгө л олдох ямар л хялбар арга байна үүнд хошуурч байгаа нь биднийг хохироогч болгож байна. 

Луйврын янз бүрийн хэлбэр манайд нилээн түгээд байна. 

1. Сүлжээний бизнес хэлбэрээр - таныг дистрибютер болгож луйвардах. 

2. Гадаадад сургах ажилуулах зараар - хүний наймаа, хүчээр биеийг нь үнэлүүлэх, ажиллах хүч болгож ашиглах.

3. Хөдөөний иргэдийг хотынх биш гэдгээр нь далимдуулж компаниуд хэдэн өдөр туршиж байна гэдэг нэрээр сул ажиллуулж байгаад 20 цаас өгөөд хөөчихдөг. 

Монголчууд бид цөөхүүлээ. Тиймд бие биеэ луйвардалгүй бие биедээ тусалж амьдаръя. Нэг л амьдрах энэ амьдралд хүн шиг бие биеэ хайрлая! 

Ж. Бадамдорж